Heroes

自從06年錯過了Live in Unity以後，

便一直期待何韻詩再開演唱會。

可是到了09年的九月頭開始售票時，手頭實在是緊。
而且已訂了《一峰二汶好天氣演唱會》的門票，
(兩者我當然會選《好天氣》！)
再沒有餘錢可花在娛樂上，
最後惟有放棄不看了。

怎料突然有「靚位飛」平價出讓，
錯過了的話實在對不起自己！
所以……這個星期我會造訪紅館兩次呢！

實在太興奮了！
自九月頭開學後便為學業忙過不停，
一直流傳下來的「HandieZ通宵BBQ中秋夜」傳統也暫停一年了。
(Missing my lovely HandieZ!!!)

然後這個星期，剛好是是次實習的最後一星期，
實在要瘋癲一番！

我的新電話是HTC Hero；
我在看的劇集是Heroes；
是次演唱會的主題也是SUPERHEROES！

明天回來了！

本來預計最快都要8月先返到黎
但係......我聽日返香港喇！

書展！夏令會！生日！
Wakakakakakaaaaa！

多謝大家對我爸爸既關心！
我已經轉達晒俾佢聽架喇！
佢而家康復進度好好！^^

香港人在廣州

我而家已經人在廣州喇！

扒左係一間賓館既床上面用電腦！

呵呵！呢度上到網實在太好喇！

不過唔知點解check唔到e-mail。

好多人問我點解會去左廣州。

其實係咁既：

我爸爸黎左廣州既黃埔醫院做手術。

佢隻右腳膝頭係二十幾年前生左個比網球更大既骨瘤，
當時所有香港既醫生都同佢講話除左鋸左佢都冇其他辦法。

對於一個二十幾歲既人，話俾佢聽下半世會冇左隻腳，

的而且確係好難接受。

而我爸爸既表哥係係廣州做醫生既，

於是當年我爺爺就帶左爸爸去廣州搵醫生表哥喇。

廣州既幾個高級醫生幫爸爸檢查完之後話一定唔使鋸左隻腳，

只需要割左個骨瘤就得。

終於做左手術，個瘤割左，

呢二十幾年，佢既生活同普通人冇乜分別，

除左行路會拐下拐下，屈唔埋隻右腳，

因為當年佢隻腳入面鑲左鋼板。

咁點解廿幾年後既今日又要做手術呢？

原來爸爸係大半年前隻右腳已經成日痛，

不過佢冇講俾我地知，亦都冇睇醫生，

直至早一個月，佢忍唔住，講左俾我都地知，亦都去左睇醫生。

照左x-ray，見到右腳膝頭位有個約2cm既陰影，

醫生話有兩個可能：

1. 骨瘤復發

2. 關節退化工

香港醫生話要知咩事就要照磁力共震，

不過佢鑲左鋼板做唔到，

抽組織驗又未必做到，

香港醫生唔知點幫佢，仲要排期排到下年二月先可以幫佢做檢查。

冇理由痛多大半年架嘛！

於是佢決定再返黎廣州搵表哥，

之前黎左廣州三日就係陪佢去搵。

佢表哥同其他醫生睇完話無論點都要幫佢換左個關節佢架喇，

一定要做手術。

所以我爸爸就係六月尾黎左廣州，

七月一日係廣州做左手術。

最後醫生話唔係瘤，只係關節退化，
已經換左個人工關節，不過要休養一段先可以出院。

七月頭既時候媽咪同細佬都係同爸爸一齊去左廣州照顧爸爸，

不過我因為實習緊，所以唔可以行開。

終於到我完左實習，所以而家到我接力上黎照顧爸爸喇，
媽咪同細佬就返返香港！

爸爸佢而家撐住拐杖都可以慢慢行，

不過要好似平時咁行路都仲要一段時間。

其實爸爸仲有一兩日就出得院架喇，

出院之後可能係呢邊住多幾日就會%E